القاهرة: البيكنج صودا استخداماتها كتيرة و متعددة وتساعد في الاهتمام بالبشرة و الشعر، وهي آمنة و ولها فوائد كثيرة، فلو بشرتك جافة او مظهرها غير صحى عليكي استخدام  البيكنج صودا لازالة الجلد الميت ..

كيفية ازالة الجلد الميت من البشرة باستخدام البيكنج صودا ..

الوصفة دى سهلة و سريعة لكن فعالة جدا، ومش هتحتاجى فيها الا مكونين اتنين بس و ممكن تعمليها مرة كل اسبوع، خلينا نعرفها مع بعض و نشوف ايه هى الخطوات

الحاجات اللى هتحتاجيها:

علبة او طبق صغير.

قطعة قماش نضيفة قطنية صغيرة او قطعة قطن.

فوطة.

كريم مرطب.

ماء.

الطريقة:

الخطوة الاولى:

اعملى معجون من البيكنج صودا، امزجى معلقتين من البيكنج صودا مع 3 معالق مية او امزجيهم بكميات متناسبة لحد ما يعملوا زى معجون.

الخطوة الثانية:

رطبي بشرتك بمياة دافية، وابدأى افردى من المعجون على وشك “تجنبى منطقة العيون”، و ابدأى ادعكى وشك بالمعجون بأطراف أصابعك فى حركات دائرية لعدة دقايق علشان تحركى الخلايا الميتة.

الخطوة الثالثة:

امسحى وشك بقطعة قماش قطنية نضيفة دافية او قطنة لحد ما تتخلصى من المعجون كله.

الخطوة الاخيرة:

اغسلى وشك بمية دافية الى فاترة و جففيه كويس، وبعد كده استخدمى الكريم الخاص بترطيب الوجه علشان ترطبى بشرتك .